一講陽痿，唔少男士都驚驚，據稱有種中藥對治療陽痿有幫助，佢就係補骨脂，又名破故紙、故脂子、懷故子等，學名「Psoralea Corylifolia」，屬豆科植物，出產於河南、四川、陝西等地。外表唔起眼嘅佢，點解可以重振男士雄風呢？關鍵就在於佢嘅種子。
中醫學角度稱補骨脂性溫兼澀，入腎及脾經，「治腎洩，通命門，暖丹田，斂精神。」適用於因腎虛而洩嘅情況。另外，「能固下元，暖水臟。」固下元嘅意思即係指適用於腎虛陽痿，腎氣不固而導致嘅遺精及尿頻。
有研究發現，補骨脂對睾酮分泌相當有效。有研究將補骨脂精煉成3至30克濃縮液，然後對雄性大鼠進行灌胃給藥，結果發現雄性大鼠嘅前列腺及精囊腺重量均有所提升，更發現睾酮及二氫睾酮嘅分泌亦有增加。
點樣食用補骨脂，先至可治療因腎虛而導致嘅陽痿？先準備補骨脂50克、核桃仁及杜仲各30克，混合埋一齊並碾成細末。每次取出9克，以熱水沖服，每日兩次便可。不過要留意，陰虛火旺或便秘者，就唔適宜服用喇！