冬天最好就梗係整番個羊腩煲暖一暖身啦，咁夏天食羊肉又合唔合適呢？梗係得啦！羊肉味甘，性溫，入脾、腎經，有益腎氣、助元陽、益氣補虛、溫中暖下嘅作用，唔少人喺夏天成日歎冷氣同飲凍嘢，容易令脾胃受寒，加上夏天氣溫高，容易令人出汗，引致耗氣傷津，所以夏天食羊肉有袪濕、補體虛作用，不過，對於體質偏熱、陽火偏盛嘅朋友，喺夏天則不宜食太多羊肉喇。
大蒜有助增強羊肉嘅補益效果，有助改善腎虛陽痿，腰膝酸軟，遺尿或尿頻。方法係將切成片狀嘅熟羊肉250克，配搭用15克大蒜搗爛並加入適量熟酒、豉油調製成嘅醬汁食用。
源於《金匱要略》，取羊肉溫中補虛、當歸補血，以及生薑溫中健胃效果，適合氣血不足、中陽不振以及脾胃虛寒者飲用。做法是將羊肉、當歸、生薑放進砂鍋中，加水至羊肉爛熟，最後加少許鹽調味即可。
羊肉含蛋白質，以及鈣、磷、鐵、鉀等礦物質同維他命A、B，營養豐富，不過由於羊肉脂肪含量較高，所以熱量高於牛肉，而羊肉嘅鐵含量係豬肉的6倍，對補血有顯著效果，亦可促進血液循環、增加消化酶、幫助消化、修補胃壁黏膜、保護胃壁，有抗衰老以及預防早衰功能。