相信人人都好希望可以做富少爺、富千金，咁就可以翹埋雙手唔使做咁辛苦喇。不過，日本大集團嘅千金小姐橋本萌花就唔怕辛苦，除咗拍寫真，仲做埋外賣速遞員，真係好勤力呀，抵讚！
阿媽成日都叫我出嚟打工要生性，唔好行差踏錯，仲要勤力返工，千祈咪成日掛住蛇王偷懶，我就會同阿媽講：「不如叫你老公努力搵多啲錢，等我可以做富二代，咁咪唔使做囉！」阿爸就話：「唔使做？人哋橋本萌花就算老竇係大企業老闆都要做呀！」又係喎！
阿妹今年22歲，唔知係咪因為出身富裕嘅關係，樣子可愛精靈之餘，仲帶幾分清新貴氣。除咗氣質脫俗，身材亦出類拔萃，個子高挑，身高有成5呎8吋，纖巧嘅胴體配上鮮嫩嘅肉地，腰幼腿夠長，上圍仲有對E Cup美巨乳，質感夠彈又夠挺，加埋一身白皙又滑溜嘅肌膚，令好多寫真妹都自覺望塵莫及。
其實萌花只係以兼職形式拍水着寫真，曾試過為U字頭嘅公司做外賣速遞員。做呢行好辛苦喎，係呀！阿妹仲係攞苦嚟辛添，因為佢父親其實係一間分店遍布全日本嘅連鎖拉麵店集團嘅創辦人，所以花妹係一位大富之家嘅千金小姐。至於點解會走去送外賣呢？佢就話自小喺母親嘅教導下，知道做人要靠自己雙手打拚，於是早前一個人去咗東京打工，就係做外賣速遞員喇！
萌花表示未來希望可以增加更多幕前演出機會，例如參演電視台綜藝節目，甚至拍電視劇，但係佢就話自己嘅演技麻麻，需要多啲時間同機會去磨練一下。
年齡：22歲
身高：5呎8吋
三圍：34E-23-33
撰文：賢