日本寫真界同演藝圈一向係競爭激烈嘅角力場，身為舊人無時無刻都要面對新人嘅衝擊，實力稍為差啲或唔夠拚搏，好易被淘汰。好似美熟女熊切朝美，鬥心勁強，曾經戲稱唔成功就走去跳崖，終於喺上年成功復活，再次喺寫真迷面前展現出迷人魅力！
有人話：「女人三十爛茶渣」，筆者當然唔認同喇，家陣啲女人咁識得保養，化妝Keep Fit瓣瓣精，就算四、五十歲都可以好迷人。正如喺美女如雲嘅日本寫真界，有唔少熟女嘅吸引力比起一班十八廿二嘅美少女有過之而無不及，38歲嘅熊田曜子、45歲嘅岩本和子，同埋40歲嘅熊切朝美都係好例子！
一身古銅色肌膚嘅朝美，面上帶有一種溫文儒雅嘅感覺，笑起上嚟仲散發出強烈嘅陽光氣息，身材方面亦Keep得好弗，呈現出玲瓏曲線，肉地又夠結實，最難得係一對E Cup美巨乳十分堅挺，完全無因為年紀大咗而走樣，所以有唔少人狠批佢嘅前男友演員片岡愛之助走寶。
講起感情生活，朝美真係遇人不淑！2013年同片岡愛之助公開拍拖，點止熱戀兩年後就鬧分手，原因係男方搭上知名女星藤原紀香，有小道消息指佢鍾意新歡個胸大啲喎！飽受情傷嘅朝美，冇因為咁而自暴自棄，事關佢嘅藝能生涯都經歷幾許波折，早已練成極強鬥心。話說佢喺1998年加入美少女組合Checkicco，但冇耐就散Band，搞到冇嘢撈，惟有走去做跳舞女郎，好彩之後有電視節目搵佢表演，仲有機會拍寫真，佢喺嗰一刻就立下決心，唔成功翻身就要跳懸崖，所以有人稱佢為「懸崖偶像」。不過，朝美嘅星運一直處於半紅不黑嘅狀態，直到上年重新喺寫真界出發，拍咗一輯火辣靚相，人氣隨即爆升，希望佢嘅光芒唔會係剎那光輝喇！
熊切朝美呢期好活躍，Click入其社交網，除咗可以睇到佢做主持、拍寫真嘅花絮，仲可以搵到唔少性感靚相呢！
網址：https://twitter.com/asami_kumakiri
年齡：40歲
身高：5呎4吋
三圍：34-23-33