現代人成日都對住部電腦工作，又或長時間睇手機，真係好傷眼睛，所以不妨多啲食用枸杞子補眼明目，而且佢對男人亦相當有益，因為具補腎功效。
枸杞子為茄科植物寧夏枸杞嘅乾燥成熟果實，味甘、性平，具有補肝益腎功效，喺中醫藥典籍《本草經集注》中亦有記載枸杞子「補益精氣，強盛陰道。」所以不難理解到中醫常用枸杞子配搭其他藥材嚟治療肝腎陰虧、腰膝痠軟、遺精等問題。
枸杞子常被用作為滋補強壯劑治療腎虛各症，發揮其強身壯陽、提高男性性功能嘅效用，原因係枸杞子能提高人體中血漿睾酮素含量，有助改善性功能減退問題。另一方面，對於少精症患者，亦有提高精子數目和精子活力嘅作用。
雙眼係靈魂之窗，所以應該好好保養，而枸杞子亦擅長於明目，所以又俗稱「明眼子」，有養肝效果，可以治療肝血不足、腎陰虧虛引起嘅視物昏花和夜盲症。
枸杞子具有增加肌糖原、肝糖原儲備量嘅功效，可以提高人體活力，幫助身體對抗疲勞。同時，亦具有改善大腦功能嘅作用，對於增強記憶能力亦有功效。
通過觀察應用枸杞多糖、維他命E-C合劑等抗衰老藥物後，被用作實驗嘅老鼠之腎細胞粒線體超微結構、ATP合成量以及脂質過氧化產物丙二醛水平嘅改變中發現，從而得出嘅結果，長期攝取枸杞子其中嘅枸杞多糖，有一定程度上生起對抗自由基之作用，令腎組織丙二醛水平下降，預防粒線體老化，使腎功能有所改善。