每個地方都有自己一套壯陽偏方，而韓國男士深信泥鰍具有壯陽功效，所以特別鍾意飲泥鰍湯，之不過呢款食材真係能提升雄風嗎？
從中醫學角度睇，泥鰍味甘性平，有補中益氣、祛邪除濕、養腎生精、消渴利尿等作用，而對付陽瘺同早洩亦有顯著療效。據《本草綱目》記載，泥鰍具有解渴醒酒、利小便、壯陽等效力。喺日本，泥鰍有「水中人參」之稱，足見佢嘅滋補作用。
精子其中一個組成成分係精胺酸，呢種物質係由含有賴胺酸（Lysine）嘅蛋白所形成。如果人體內嘅賴胺酸值偏低，就會影響精胺酸嘅產生，亦有機會影響正常精子嘅形成，換句話講，賴胺酸對產生優質精子有一定作用。
韓國男士深信泥鰍有頑強生命力，能令性生活變得活躍，而講到最愛嘅食用方法，自然係泥鰍湯。做法簡單，先喺泥鰍身上灑鹽，等到條魚冇動靜後再洗乾淨，然後放入滾水煲，加辣椒醬、大葱、鹽等調味，再煮約一個鐘就食得。韓男認為，飯後一碗湯，成晚雄赳赳！