巨乳女雀士激鬥四方城

日本人做事一向認真,佢哋可以將一種工藝變成藝術,亦可以將一種民間耍樂變成職業,所指嘅正係打麻雀!而職業麻雀選手,則被稱為雀士,當中更有唔少美人兒,好似呢兩位嚟自寫真界嘅篠原冴美同岡田紗佳就有「最美雀士」之稱,至於佢哋嘅麻雀技術邊個叻啲?咁就要比併過先知喇!

陽光健美

今年28歲嘅篠原冴美面圓圓,雙眼精靈,成日都笑意迎人,一睇就知佢份人夠晒開朗,絕對係一位陽光美人。身材方面,高挑之餘,而且肉地結實,肌膚帶古銅色,散發出強烈健康美,胸前仲有一對天然G奶分量十足又具彈性,真係由頭到腳都咁令人醒神呀!

佢讀中二嘅時候參加由雜誌《Hana* chu》舉辦嘅模特兒選拔賽,並獲得「最優秀獎」,繼而展開模特兒之路,後來加入藝能界,仲曾經做過惠比壽麝香葡萄嘅成員,直到2013年第一代團體解散之後,佢就主力拍寫真,2015年推出第一隻寫真DVD作品,銷量相當理想。2017年冴美多咗一個身份,就係成為日本職業麻將協會嘅職業女雀士,所以家陣佢會一邊拍寫真,一邊打麻雀!

篠原冴美

年齡:28歲

身高:5呎4吋

三圍:35G-24-34

高挑混血兒

另一位同樣寫真界與雀壇兩邊走嘅索女,就係岡田紗佳,今年27歲,相對於冴美,感覺比較溫婉柔弱,不過笑起上嚟卻又散發出天真氣息。身材方面,上圍相當豐滿,又夠高挑,有成5呎7吋,屬於日本寫真界少見嘅高挑美人。

佢係一位混血兒,父親係日本人,母親則係中國人,小時候曾經喺內地居住過,因此講得一口流利嘅普通話同上海話,更加承傳到其中一項國技,就係打麻雀喇!返到日本生活之後,佢同冴美一樣由雜誌模特兒踏足寫真界,之後又成為女雀士,而打牌成績相當唔錯,喺「女流雀士No.1決定戰」中奪得第3至5屆嘅冠軍,家陣佢夥拍其他3名雀士組隊參加麻雀聯賽「M.LEAGUE」,暫時排名第二,相信紗佳嘅貢獻亦都唔少。

岡田紗佳

年齡:27歲

身高:5呎7吋

三圍:34E-23-33

第1回合 鬥往績

篠原冴美雖然做咗女雀士有4年,但係喺各項賽事中都唔見得打出咩好成績,相反岡田紗佳除咗喺「女流雀士No.1決定戰」成為三連冠,亦喺第二屆「麻雀王后聯賽」奪得冠軍。

第2回合 鬥技能

紗佳除咗講得一口流利普通話同上海話,仲識得彈古箏同吹管樂器;但係冴美都唔弱,佢媽媽係一位占卜師,而佢亦學懂一手厲害嘅西洋占卜術,靈感能力仲相當強。

第3回合 鬥身材

紗佳生得比較高挑,肌膚亦比較白滑,但係冴美肉地夠晒結實,而且古銅膚色又帶出健康陽光感,要比較兩者邊個吸引的話,真係好難判斷到結果,所以呢個回合都係打和!

REPORT:調皮可愛

岡田紗佳喺出席麻雀聯賽時神情認真,但係一打完牌就會即刻笑晒口,仲會做出古靈精怪嘅表情同動作,展露出調皮可愛嘅個性,予人一種容易真情露流嘅感覺,個人認為比篠原冴美嚟得更有吸引力。

撰文:賢