異世界題材呢條橋雖然已經玩到爛晒，但係只要花啲心思，再加入性感女角色、香艷場面，同埋三角關係，就會有完全唔同嘅效果，呢套由日本十八禁遊戲開發商Triangle製作嘅《天翼之Asklein》就係好例子。故事發生喺一個叫燈翠園市嘅地方，話說嗰度曾經被來自異世界嘅降天魔種襲擊，經過8年嘅修復，總算恢復過嚟。某個晚上，男主角真久郎喺回家途中遭到襲擊，千鈞一髮之際，被來自異世界嘅美女騎士所救，自此開始同居生活。另一邊廂，同男主角青梅竹馬嘅美少女沙耶香，從巫女修行歸來，發現暗戀對象跟異世界嘅女騎士同居，一氣之下決定住埋一齊。究竟呢段三角關係會點樣發展呢？就要留待玩家嚟決定喇！