行性感係模特兒吸引眼球嘅慣用招數，但唔係每位模特兒一開始就接受到性感演出，而係要身心兩方面都經過一輪「進化」，先可以做到，韓國超人氣模特兒林敏英就係好例子。出生於韓國首爾嘅佢，擁有35-24-36嘅火辣身材，但一直唔敢着性感服裝，因為怕自己會成為眾人嘅焦點。不過，以佢咁出眾嘅身材，加上令人一見傾心嘅樣貌，試問又點可能會冇人留意呢？結果讀大學時，喺一次機緣巧合下，被模特兒公司發掘，開始做兼職，並憑住迷人外形而走紅，自信心亦隨住人氣上升而大增，着衫亦愈嚟愈大膽，由索女變辣妹。大學畢業後，佢更成為職業模特兒，家陣以性感造型登場，已經唔再怯場了！