女人要迷倒男人，可以靠索樣、巨乳、美股等天賦本錢，如果有埋一對長腿襯托，咁就更加完美！話時話，美腿嘅魅力可以有幾吸睛？韓國超人氣模特兒李京善，就有辦你睇！早喺求學階段，阿妹已經開始擔任攝影模特兒，仲憑住一雙迷人美腿而不斷獲得演出機會，轉做職業模特兒後，獲邀以車模身份亮相各大展場，每當以熱褲示人，佢嗰對美腿都會成為場上焦點，因而被網民冠以「美腿女神」嘅外號。另外，好多人都被善妹嘅冷艷氣質所迷倒，但有趣嘅係，佢自稱性格並非冷冰冰，只係因為每次登場都勁緊張，勢估唔到因為咁樣而受人注意，真係應驗咗一句：「無心插柳柳成蔭。」