日本十八禁遊戲都玩穿越橋段？講緊嘅係成人遊戲開發商inre嘅新作《源平繚亂繪卷—GIKEI—》，以850年前源義經嘅故事為「藍本」，但劇情好惡搞，仲加入唔少鹽花場面。故事講述神社神主個仔叶納世志常、巨乳美少女樓子，同另一神社神主個女紫都香，係青梅竹馬嘅好朋友。某日，佢哋一齊去旅行，點知樓子喺鞍馬寺失蹤，其餘兩人去到寺內尋人卻相繼暈倒。當二人醒番，發現鞍馬寺嘅環境唔同晒，原來佢哋穿越到850年前，咁啱源義經身處寺內，一段驚險又香艷嘅故事就此展開。