朴恩智童顏美魔女

童顏、巨乳係好多女人夢寐以求嘅本錢,究竟有晒兩大優點於一身係咪會着數過人?或者可以喺韓國網紅兼人氣模特兒朴恩智嘅身上搵到答案。單睇外表,擁有34D-22-32火辣身材嘅佢,個樣睇落似廿幾歲嘅大學生,但原來佢今年已經33歲,相信大部分人都估唔到。呢位網紅好讀得書,中學時期去咗美國,喺密西根大學畢業,獲得會計學CPA資格,返回韓國後,喺投資公司工作,其後以藝名「DJ Henney」開始模特兒事業。由於集童顏、巨乳於一身,所以初出道時,唔少人以為佢得18歲。去年佢開始經營YouTube頻道「Milky!」,主打ASMR影片,有超過15萬人訂閱,至於佢嘅IG仲勁,至今已有近82萬名追蹤者,人氣真係超高!