身材高挑，着起靚衫特別好睇，所以天橋上嘅模特兒通常都係高妹。好似喺韓國首爾出生嘅人氣模特兒張仁英，五官標致，個性又活潑，好得人鍾意，細細個已不乏追求者，加上身高達到170公分，所以讀高中時期已經從事模特兒工作。畢業後，阿妹正式入行，仲參加咗賽車女郎大賽，結果獲得最佳外形獎。自此之後，佢嘅人氣不斷攀升，工作範疇亦愈嚟愈廣，除咗拍攝硬照，仲會擔任賽車女郎、車模、展場女郎等。喺未來嘅日子，阿妹仲有意向演藝界發展，以佢咁出眾嘅外形，應該唔成問題吧！