美腿嘅魔力可以有幾勁？只要睇吓韓國人氣模特兒殷彬，就一清二楚。喺韓國首爾出生嘅佢，身高173公分，一雙修長嘅美腿喺迷你裙同熱褲襯托下，非常吸睛，加埋樣貌吸引，令好多人一見傾心。由於天生麗質，身材又弗爆，阿妹自細已夢想成為模特兒，高中畢業後，決定入行，首次演出就喺首爾嘅國際車展亮相，當時憑住一襲高衩旗袍而成為唔少攝影師捕捉嘅焦點，人氣亦隨之上升。自此之後，佢唔止成為車展寵兒，仲化身性感Show Girl，喺唔同嘅展場上出現。2014年，阿妹參加亞洲模特兒大賽，憑住迷人美腿，奪得最受網民歡迎獎，真係好有觀眾緣呀！