Haley Reed最受夫妻歡迎

相信四仔脫星嘅粉絲大部分都係男性,不過美國人氣脫星Haley Reed嘅粉絲團中,卻以夫妻群組佔大多數,究竟係點解呢?一齊睇睇啦!

自薦入行

喺美國佛羅里達州出生嘅Haley Reed,當日係膽粗粗咁自薦入行。據稱佢讀書時性格文靜,朋友唔多,覺得自己融入唔到社交生活,於是17歲便輟學,之後從事過餐飲、酒吧、零售等工作,但係收入始終唔多。19歲時佢對演出四仔感到興趣,尤其係片酬相當吸引,故此膽粗粗到脫星事務所自薦,憑住迷人嘅外形及高挑身材,順利獲得取錄,2016年正式成為四仔界一員。

而令佢感到驚喜嘅係,首套演出嘅四仔《Kiss My Pecker》竟然係同著名四仔片廠Bang Bros合作,而且銷量相當好,令佢人氣急升,名字亦廣為四仔迷所熟悉。之後佢獲得另一間四仔名廠Reality Kings嘅注意,並推出作品《Lawless for Daughter Swap》,同樣獲得極佳嘅成績。

反應夠真實

發展得咁順利,佢坦言感到相當意外,事關佢嘅性經驗唔多,四仔作品亦只睇過幾套。既然係咁,點解佢嘅演出會咁受歡迎呢?有四仔迷稱佢嘅演出相當有真實感,動作唔會難度超高,表情反應又夠真實,尤其係呻吟聲叫得性感又迷人,結果喺2017年嘅XBIZ同AVN頒獎禮獲提名「最佳性愛演出」。不過最令佢意想不到嘅係,喺頒獎禮前嘅調查中,發現佢係擁有最多夫妻粉絲嘅脫星,原因係可以從佢身上感受到性愛有幾咁享受,絕對係最佳調情作品。

問到有咩嗜好,佢就話喜歡一個人去露營,而且鍾意赤腳喺草地上奔跑,自由自在嘅感覺可以令佢重拾動力。對於未來嘅發展,佢表示希望可以做導演,拍多啲好戲畀觀眾欣賞。

社交網站

由於Haley Reed忙於拍四仔,所以甚少喺社交網同粉絲互動,好彩佢間中亦會分享一下性感自拍照同短片,讓粉絲滿足吓眼球!

網址:https://twitter.com/haleyreedx

Haley Reed

出生日期:1996年12月20日

身高:178cm

三圍:34B-24-35

撰文:魂