前戲嘅玩法有好多，其中一種就係啜，好似啜嘴、啜手指、啜耳珠等等，但有位男網民因為啜嘢而大叫救命，究竟佢啜咗啲乜呢？「是咁的，女友有個地方好敏感，就係十隻腳趾，所以每次搞嘢前，我都會啜佢腳趾同腳掌，等佢興奮起嚟。不過，早排佢因為某啲緣故，患上香港腳，仲要幾嚴重嗰隻，生晒水泡。我明白愛係不保留嘅，問題係生水泡又甩皮，點啜呢？有真菌o架，雖然我唔知啜咗會唔會令條脷生水泡，但你都唔可以因為咁而話我唔愛你o架！大家話我應該點做呢？」
俠女： 笑爆咗！你女友又會咁強人所難嘅？其實佢明唔明啜隻香港腳，感覺同啜男友粒暗瘡一樣咁核突o架？
Seven： 黐線o架？點可能叫條仔做啲咁嘅嘢？佢自己望到隻腳都覺得核突啦！嗱，解決方法未諗到，報復方法就有一個，就係啜完佢隻腳，再同佢打茄輪，問佢怕未！
泡泡： 我覺得最好嘅方法係以牙還牙！即係你先着佢啲鞋，等自己感染埋，再畀佢啜吓，等佢明白啜香港腳有幾咁可怕。
V妹： 我認為問題重點係你條女覺得唔啜等於唔愛，如果係咁嘅話，睇嚟佢對你都幾冇安全感喎，不如諗吓有冇其他方法令佢明白你有幾重視佢……