雖然成日話千祈唔好以貌取人，但不能否認嘅係，個人生得靚，撈某啲行業特別有優勢，尤其係做模特兒呢行，正如韓國美女洪知妍，就係因為樣靚身材正，所以喺模特兒界火速彈起，人氣仲愈嚟愈勁！喺韓國首爾出生嘅佢，身高達175公分，身材更加係玲瓏浮凸，難怪只係憑住一輯相，就被模特兒事務所嘅星探睇中，並順利入行。不過，知妍第一份工作，並唔係從事攝影模特兒，而係以車模身份亮相喺釜山舉辦嘅改裝車展，超正造型令佢成為場內攝影師嘅焦點。自此之後，佢同多支賽車隊伍簽約，成為車隊專屬賽車女郎，更涉足多方面嘅模特兒工作，真係羨煞旁人！