基層小子溝掂俏公主，係一般愛情故事常見橋段，但如果變成基層小子溝掂一大班俏公主，咁就好可能係個十八禁故事！講緊嘅係遊戲開發商「戲畫」快將推出嘅新作《玻璃公主與鏡僕》，故事講述男主角瀧田駿介因某個約定，去咗專門培訓王族成員嘅王立仙度瑞拉學園，並喺僕人系修讀。僕人系讀乜？咪就係學習如何服侍公主囉，駿介亦因為呢個緣故，識咗唔少貌美俏公主，仲同佢發生埋肉體關係添！玩家不但要令一眾公主嘅戀愛度提高，仲要以成為一位合格男僕為目標。有玩開「戲畫」嘅朋友，大概都知道作品入面啲女角色走萌系路線，今次亦唔例外，加上鹽花密集，令人期待。