今時今日，日本AV女優愈嚟愈被公眾受落，不時會喺電視、電影中見到佢哋嘅演出，仲會喺相對正派嘅媒體中曝光添！最新例子就有SOD主力女優本庄鈴成功登陸野戰資訊雜誌《ARMS Magazine》！呢本雜誌一向有搵靚女做模特兒，但通常係寫真女優或女演員，所以呢次向AV女優打主意，做法相當罕見，亦反映出佢嘅人氣夠晒高，形象亦出得大場面。從社交網發表嘅相片所見，鈴妹換上陸戰裝束，拎起各種仿真槍械，有型有款，好多網友都大讚呢款造型吸引，仲話好想同佢打番一場野戰呢！