經常聽人講模特兒嘅身材有幾咁迷人，但係點先算係「迷人」呢？想搵個客觀標準嘅話，不妨留意吓韓國模特兒界，事關有位人氣索模被公認為好身材，佢就係姜怡娜。喺首爾出生嘅佢，讀書嗰陣已擁有一副火辣辣嘅身材，加上身高達172公分，唔少人都認為佢可以試吓做模特兒，幾經考慮後，佢終於踏出入行嘅重要一步，喺首爾國際車展擔任車模。憑住迷人嘅身材曲線同充滿女人味嘅氣質，阿妹好快獲得大家注意，仲開始喺網絡積聚人氣。家陣阿妹唔止成為車展上嘅紅人，仲推出埋寫真集，難怪人氣愈嚟愈勁！