有樣嘢可能男士都冇為意，但女士卻相當介意，就係天生大細胸！而據統計指，原來冇一個女人左右胸係一樣大細。既然係咁，點解呢位女網民會咁煩惱呢？佢話：「其實一直冇留意自己左右胸邊大邊細，直到18歲時同朋友去遊船河，當時我着住比堅尼，朋友發現我有大細胸嘅問題。自此之後我就感到自卑，亦有睇過醫生，但醫生話其實分別唔係好大，檢查過冇問題。我亦有按摩胸部，但好似冇乜效用。呢個問題困擾咗我好耐，早排開始拍拖，男友話覺得我好似有啲大細胸，又勾起我嘅自卑感。其實自嗰次船河後，已經冇再游水。弊啦！男友會唔會因為咁而嫌棄我o架？」