喺ACGN作品中嘅勇者，多數係正能量爆燈嘅角色，之但係由日本十八禁遊戲開發商Escu:de推出嘅新作《闇染Liberator─黑暗墮落勇者與墮落戰姬─》，卻反其道而行，裏面嘅勇者呈現強烈嘅陰暗面，勁有新鮮感！遊戲內容講述男主角佐原遙臣進入貴族王者雲集嘅秀皇館學園，並以成為學園首領為目標，但因成績差勁，只能做雜役。喺一次偶然機會下，遙臣輾轉去咗異世界，並成為英雄，於是女神答應，喺佢回歸現世界後，可以獲得後宮之力。殊不知遙臣覺得做首領都冇乜嘢大不了，倒不如將所有索女變成後宮，但佢好快發現，原來現屆首領都曾經去過異世界，睇嚟佢嘅後宮計劃唔容易完成喎！