喺印象中，模特兒總係畀人一種性感又冷艷嘅感覺，尤其喺天橋行貓步嗰陣，但講真一樣米養百樣人，以韓國為例，就可以搵到唔同類型嘅模特兒，正如今日介紹嘅千寶英，除咗擁有性感身段外，仲好識得賣萌，因而獲得超高人氣。
喺首爾出生嘅佢，高172公分，身材玲瓏浮凸，實在好啱食模特兒呢行飯。據阿妹表示，出道初期，唔少人都被其冷艷形象呃倒，以為佢嘅個性好Cool，但相處一段時間後，無不改觀，仲被佢嘅可愛性格所吸引。正因為呢個緣故，寶英開始以性感加萌味嘅形象示人，果然一如預期，令事業登上高峰，並成為現今炙手可熱嘅女神。