喺藝能界，有好多已為人母嘅辣媽女演員，而喺日本寫真界亦一樣有唔少辣媽女優，好似生咗3個小朋友身材仲係咁弗嘅熊田曜子就係其中之一，而華彩奈奈亦唔會輸蝕畀曜子喎！今年39歲嘅佢，出道拍寫真已經有18年，至今依然積極地參與寫真演出，難得嘅係佢喺前年生完BB後，好快就成功收身，身材弗到爆燈之餘，個樣仲係咁索，溫柔女性美態仲吸引過以前添！由MARE出品嘅《相部屋ホテル～美人上司と部下の出張先での愛の物語》就係奈奈最新嘅寫真DVD作品，今次佢會扮演女上司，因為芳心寂寞，所以約埋男下屬一齊去旅行，期間佢發晒姣咁喺對方面前扭動身體，再慢慢寬衣解帶，又夾胸又扭屁股誘惑對方。之後，兩人一齊去游水，換上比堅尼嘅奈奈不忘搔首弄姿一番。玩到㷫合合，佢就返到酒店房啜冰粒降溫，仲用冰粒捽吓心口，意態極具挑逗，令氣氛又再升溫！