小島索女二揀一

有冇試過陷入兩難嘅局面?得到阿A,就冇咗阿B,但係A同B都咁正,你話點揀先?日本十八禁遊戲開發商hibiki works就將呢種令人難以取捨嘅狀態發大嚟搞,炮製出新遊戲《水蓮與紫苑》。故事發生喺偏遠海島水無瀬島,男主角趁假期探望兩位青梅竹馬嘅好友水蓮同紫苑。多年冇見,兩位女孩已長得亭亭玉立,身材勁正之餘,性格仲相當吸引。水蓮自細已經係一位溫柔美人,而紫苑就比較活潑,但又有小鳥依人嘅一面,兩個都係男主角杯茶,仲要係兩個都暗戀咗男主角好耐添。如果你係男主角,你會點揀呢?講番hibiki works嘅作品一向有水準,好似《Re CATION ~Melty Healing~》同《如月真綾之誘惑》都好有人氣,相信新作亦會有不俗反應!