賽車女郎之所以咁得男士鍾意，皆因制服夠晒性感，將女性身材嘅曲線美表露無遺，尤其係一對修長美腿更為吸睛。講到性感迷人嘅賽車女郎，筆者不期然諗起韓國超人氣賽車女郎吳哈淥。呢位出生於韓國清州市嘅靚女，早喺2014年已開始從事攝影模特兒工作，只係當時嘅佢仍未識得展現個人魅力，及至某次喺公司安排下，為一場賽事擔任賽車女郎，即吸引到場內好多人嘅注意，包括一對迷人美腿同埋一雙電眼！阿妹話，當時化妝師覺得佢對眼好吸引，特意加強其雙眼線條，令美感更為突出，就係咁，佢就成為賽車女郎界嘅紅人。家陣阿妹嘅人氣高企，曝光率奇高，仲做埋車模、電競女郎、展場女郎等工作，可謂財源滾滾來！