有人話，女人好善變，只要打扮同衣着上稍為改變吓，就會散發出不一樣嘅氣質。以韓國人氣模特兒崔韓嬪為例，除咗樣靚身材正，賣起萌上嚟仲非常可愛，所以喺朋友介紹下加入模特兒界。其實阿妹好讀得書，擁有市場及營銷學學士學位，最初諗住成為一位普通OL，但做咗模特兒之後，好快察覺到自己好啱呢一行，加上人氣不斷上升，令佢對呢份工作更感興趣。有感形象太單一會阻礙發展，所以阿妹喺出席首爾一次車展時，特別轉個成熟Look示人，即時變得好有女人味，仲成為人氣車模添！自此之後，佢經常轉形象，時而賣萌扮可愛，時而大騷女人味，兩個Look都咁正，難怪愈撈愈掂！