好多日本AV女優引退之後就會消聲匿迹，想見到佢哋都幾難，不過未來大家有機會可以再次見到一位可愛到震嘅天后級萌妹，佢就係佐倉絆喇！
2014年出道拍AV嘅佢，之前曾經做過藝能團體成員，皮白肉嫩又可愛，身材仲相當婀娜，但係令人氣持續上升嘅原因，係演出盡心盡力又夠拚搏，身形細細粒但卻夠膽挑戰黑人男優，認真抵讚！
佢喺今年3月退出AV界，但係並冇完全離開幕前演出，因為曾經獲得第30回粉紅電影大獎「新人女優獎」嘅佢，引退後依然有拍粉紅電影。最近佢有個新計劃，就係打算開番間拉麵店，為咗成功開張，佢喺眾籌網站籌款，目標係籌得800萬日圓，約60萬港元，相信以佐倉絆嘅號召力，要達標應該唔難，好期待可以喺呢間拉麵店見到阿妹一面呀！
AV女優之所以肯瞓身一脫，仲要畀男優百般玩弄，有唔少都係抱住踏腳石嘅心態，希望有朝一日可以成功打入影視界，好似蒼井空咁成功。最近有兩位小花就成功踏出第一步，有機會演出電視劇，佢哋就係2017年AV Open頒獎禮嘅「3冠王」吉高寧寧及擁有神級爆乳嘅鷲尾芽衣。
早前，吉高寧寧喺社交網上載咗幾張照片，當中包括佢同鷲尾芽衣嘅合照，見到佢扮成護士，芽衣就着到成個斯文OL咁，寧寧仲拎住一張寫上「世界奇妙物語」嘅紙牌，原來佢哋有份參演知名電視劇集《世界奇妙物語2020秋季特別篇》，另外有一張相見到佢哋同男主角高橋克實打成一片添！雖然喺劇中只係曇花一現，但係今次係兩位小花首次演出電視劇，都算係一個好開始，希望佢哋未來可以有更多機會演出啦！
撰文：賢