人靚係咪大晒？如果喺模特兒界嘅話，好難話唔係，事關絕大部分撈得掂嘅例子，都係樣靚身材正，好似喺韓國蔚山廣域市出生嘅李止敏，唔止個樣生得靚，身材仲要係玲瓏浮凸，所以工作機會不斷，人氣亦隨之上升。其實芷敏讀大學時已諗住做模特兒，後來喺朋友穿針引線下，決定付諸行動，初時只係擔任攝影模特兒，但憑住迷人嘅外表，好快喺模特兒界冒起，冇耐仲同模特兒事務所簽約。正式出道之後，阿妹開始從事車模工作，並且喺大邱舉行嘅國際車展中登場，成為鎂光燈嘅焦點。另一方面，阿妹喺網絡上嘅人氣亦隨之爆發，好多網民都將眼球放喺佢嘅美股上，仲話如果佢着泳衣出場肯定會更吸睛喎！