女人加入模特兒界，愈後生愈着數，所以29歲先入行嘅姜伊娜，曾經不被睇好，當初有唔少人都曾勸佢要三思，之但係佢覺得年齡並唔重要，只要知道自己有乜優勢，一樣有得發圍。究竟娜姐有咩本錢爭上位？第一係輕熟女魅力，第二係一對修長美腿。事實上，身高172公分嘅娜姐，唔止腿夠長，膚質又白又滑，非常吸睛，所以每次換上晚裝出席車展活動，總係令在場男士睇到眼甘甘，加上喺佢身上散發住一陣輕熟女獨有嘅女人味，吸引力不遜於年輕模特兒。事實證明，娜姐自出道之後，人氣不斷攀升，近年仲做埋網絡直播添，真係好厲害呢！