點先稱得上係美腿？唔少人都會用夠幼同夠長嚟界定，但如果雙腿幼到好似兩條光管，係咪等於靚呢？所以小弟認為，線條靚先係最緊要，只要睇吓韓國人氣模特兒薛萊娜，你就會明白晒！
喺首爾出生嘅娜妹，自細夢想成為模特兒，仲得到屋企人嘅全力支持，結果喺成年後即以攝影模特兒身份出道，但人氣未係好高。及至2014年，佢以賽車女郎身份喺公開場合亮相，即憑迷人嘅身材，成功吸引大家嘅目光，尤其係嗰對長腿，令好多男士為之着迷。同年，佢參加第3屆韓國賽車女郎大賽，獲最佳明星獎項，人氣進一步爆升！時至今日，依然有咁多人Like，果然係魅力沒法擋！