遇到鍾意着裙嘅男友，作為女友真係好煩惱，好以呢位女網民正係其中一位，佢話：「同居冇耐就發現男友偷偷着我啲裙，仲要着埋我啲底褲添！佢話感覺好似攬住我咁，聽到佢咁講覺得好得意，有時仲特登叫佢着我啲衫睇吓。而佢每次着住我啲裙，都會相當興奮，跟住就會同我曳曳，甚至唔夠喉要梅開二度。自此之後，我哋每星期都會咁樣玩一次，真係幾開心！不過早前我睇咗電影《丹麥女孩》之後就開始擔心，男友會唔會想做女人呢？佢就話呢種只係性癖好，佢只會愛我一個喎！」
胖安： 你男友講得都啱嘅，因為呢種叫易服癖，都係性癖好嘅一種，所以佢着裙時會零舍興奮。你又唔使咁擔心，如果佢真係想做女人嘅話，就唔同你一齊啦！
Cindy： 最重要係你心理上接唔接受到，如果接受唔到，內心覺得唔舒服嘅話，你直接同佢講，等佢明白你擔心啲乜，好過你自己諗埋一邊。
月月豬： 其實呢種性癖好並唔係少見，唔少男人心底裏面都有咁嘅衝動，好似我嘅前度男友咁，佢都有咁嘅癖好，之但係我接受唔到囉！
Flower： 佢話係愛你一個就夠啦，至於性癖好呢樣嘢，都係大家互相遷就。你不妨搵吓自己有冇啲特別嘅性癖好，同佢玩吓，都幾有情趣o架！