好多人都話「平淡是福」，但又有幾多人可以體驗到箇中滋味？好似韓國人氣模特兒徐有真，一直嚮往平淡生活，但喺一次偶然機會下做咗模特兒，意外地發現呢份工作好有彈性，於是決定全身投入。其實阿妹起初諗住畀自己多啲空間體驗人生，勢估唔到能夠喺攝影界打響名堂，仲做埋賽車女郎，搞到人氣大爆發，更加喺韓國超級賽車女郎大賽中獲得最佳賽車女郎殊榮！自此之後，阿妹不但成為賽場及車展上嘅焦點，佢嘅一舉一動仲吸引到媒體注意。事業上嘅順風順水，令佢嘅心態出現變化，與其平淡生活同自己無緣，倒不如努力爭上位，盡情展現自己嘅魅力同自信。