對於AV女優，大家通常都會留意樣貌及波哋，但好少會留意佢哋身體嘅其他部位，查實唔少女優有亦其他特出之處，好似於2018年AV出道嘅皆月光就係好例子！小弟一向係阿妹嘅粉絲，除咗樣貌甜美兼演出夠放，本身亦甚有音樂才華，彈鋼琴及演奏小號都相當拿手，剛出道時更係一名音樂大學嘅學生，喺出道作露兩手表演吹小號，絕對有姿勢又有實際！上阿妹嘅社交網望望，只見佢頻頻Po出大量泳衣及性感美照益粉絲，加上帶點挑逗嘅眼神，令人睇到心癢癢！與此同時，皆月亦愛分享生活點滴，最近佢就Po咗一幅張大手掌嘅照片，並留言話自己擁有一對大手！個人認為係跟佢自細便學習樂器有關，不過唔少粉絲紛紛留言話其實係阿妹個頭細，所以對比下顯得佢隻手好大，氹得阿妹鬼咁開心！