究竟男人鍾唔鍾意多嘢講嘅女仔？今日介紹嘅韓國人氣模特兒崔智惠，絕對唔係文靜派，但有趣嘅係，冇乜男人會覺得佢煩之餘，仲對佢嗰份活潑嘅性格甚為欣賞添！
喺首爾出生嘅崔智惠，高中時期已開始做攝影模特兒，但當時仲係新入行，所以佢啲口才冇乜機會發揮。後來，阿妹以車模身份出席釜山舉行嘅汽車節，喺接受訪問時，談吐非常得體，開始有人意識到佢唔係得個樣，加上講嘢時流露出活潑嘅性格，令佢成為網絡熱搜女神。隨住阿妹喺賽車女郎大賽中奪冠，佢嘅人氣開始急升，終於成為目前炙手可熱嘅模特兒。