吉高寧寧 清麗甜心女神

日劇女角氣質

日本AV界的確美女如雲，就以成立不久，積極擴充專屬女優陣容嘅AV廠FALENO為例，就有橋本有菜及天使萌兩位公認嘅絕色美人。不過小弟就覺得佢哋雖然係靚女，但係亦難以遮掩從內散發出嚟嗰種姣味同騷味，若論又索又予人健康正面嘅感覺，一定非佢哋嘅師妹吉高寧寧莫屬。

今年24歲嘅寧寧雙眼精靈明亮，有少女嘅甜美感覺，但又唔會萌得過分，感覺就好似日本青春偶像劇嘅女主角氣質一樣，親切可人。仲有身材勻稱，肉地結實，一睇就知寧寧全身上下都充滿活力。雖然冇激凸上圍，但係亦有C Cup，配合23吋小蠻腰，展現出曲線玲瓏美，相當吸引。

眼神交戲冧到暈

寧寧喺出道前曾經拍過水着寫真，可以話係一位貨真價實嘅藝能人，做咗寫真女優未夠半年，就被AV大廠S1睇中，2017年出道成為AV女優。當時佢極為惹人注目，除咗因為顏值高及擁有藝能人身份外，演出亦相當投入，而且表現活力十足，其處女作《新人No.1 Style 寫真偶像 吉高寧寧 AV解禁》更喺AV OPEN頒獎禮奪得「作品獎」、「投票部門獎」以及「綜合部門獎」，成為3冠王，足見實力強勁！

今年3月，寧寧過檔去咗FALENO，F廠嘅拍攝風格以營造氣氛同劇情為主，可以話相當配合寧寧嘅獨有魅力。從其新作中，可以見到佢唔單止發揮上乘床技，仲會善用充滿情感嘅眼神及甜美笑容向鏡頭交戲，猶如同觀眾有深厚感情嘅女伴一樣，自然令人睇得零舍投入啦！

社交網站

吉高寧寧除咗會透露自己嘅工作消息，亦會分享生活點滴，當中可以見到好多寧寧笑容甜美嘅自拍照，令人睇到身心舒泰，煩惱盡消！

網址：https://twitter.com/yoshitakanene?lang=ja

吉高寧寧

年齡：24歲

身高：5呎2吋

三圍：33C-23-33

撰文：賢