「驚艷」呢兩個字應該用喺乜嘢人身上最貼切？如果要搵個人辦嘅話，筆者相信韓國人氣模特兒尹愛枝絕對有能力勝任。
喺首爾出生嘅愛枝，係近年冒起得相當快嘅攝影模特兒，除咗有美艷嘅樣貌、一流嘅身材，仲有迷人嘅氣質，可謂索到零死角，難怪唔少攝影師都鍾意同佢合作。有趣嘅係，阿妹一直冇諗過自己會做咗模特兒，事關佢係修讀美術及文化課程，原本打算喺相關範疇發展，但入咗行之後，覺得呢一行嘅發展都算唔錯，人氣仲愈嚟愈高添。不過，阿妹雖然獲得好多粉絲支持，但從未做過任何演藝工作，主要原因係擔心被太多人認得出，免得到時連吃街邊小食嘅自由都冇埋。