想喺四仔界長期保持人氣，除咗要樣靚身材正外，仲要有獨特嘅個人風格，好似脫星Adria Rae就係一個好例子，表現含蓄得嚟，卻又有一撻即着嘅狂野本性，令四仔迷相當受落，難怪一直人氣高企。
唔少脫星下海拍四仔都難以獲得家人嘅支持，至於喺美國密歇根州出生嘅Adria Rae又係點呢？佢表示自細住喺郊區，屋企附近有好多農地，因此父母雖然係石匠，但平日亦會種植蔬菜同水果，而佢亦會落田幫手，過住相當舒適嘅生活。不過夢想成為四仔脫星嘅佢，18歲就開始經營成人網絡直播頻道，憑住迷人樣貌及火辣身材而大受歡迎，尤其係佢一撻即着嘅演出，睇到人相當興奮。
及後，佢吸引到一間脫星事務所嘅注意，邀請到洛杉磯面試，為咗圓脫星夢，於是佢就瞞住家人偷偷出走，結果雙方一拍即合，2015年出道為成人網站PornPros演出處女作《Teen Upskirt》。Adria Rae表示當時相當緊張，因為拍攝過程同以前睇四仔嘅情況完全唔同，幸好最後亦順利完成拍攝工作，而且作品獲得好評，之後佢同PornPros演出多套作品，令人氣大增。
成為四仔界人氣新星後，Adria Rae覺得係時候要話畀屋企人知，雖然父母唔鍾意，但係亦表示支持。獲得父母嘅諒解後，佢便全心全意投入四仔工作，先後為Nubiles Casting、HardX等成人網站演出，加埋之前喺成人直播頻道累積嘅一班忠粉，令佢人氣大爆發，更喺2016年舉辦嘅Nightmoves四仔頒獎禮榮獲「最佳新人」，其後喺2017年嘅AVN頒獎禮獲提名「最佳脫星」，而喺今年初舉辦嘅XBIZ頒獎禮更奪得「最佳性愛演出獎」，因而被喻為四仔界未來天后。
問到Adria Rae跟住落嚟嘅夢想係乜，佢就話希望成為四仔導演，因為執導一套作品係相當有趣嘅事。不過佢又補充，如果做唔到導演，應該會轉去從事房地產工作，因為佢心底裏其實亦相當鍾意建築喎。
早前Adria Rae喺社交網分享咗一套自導自演嘅短片，仲話好開心可以一嘗當導演嘅滋味，希望將來能夠真真正正拍一套四仔畀大家欣賞，粉絲梗係畀Like支持啦！
網址：https://twitter.com/adriaxxrae
出生日期：1996年8月27日
身高：166cm
三圍：32C-25-33
撰文：魂