雖然疫情放緩，但要確保身體健健康康，除咗繼續做好個人衞生措施，亦要養成良好生活習慣，包括勤做運動！有個奇怪現象，平時唔願郁嘅男士，一發現網絡有啲美女健身片，總會目不轉睛咁望到實，好似要喺對方身上搵番久違嘅動力一樣，莫非要有美女相伴，男人先肯做運動？唔知以下呢位女優又幫唔幫到大家呢？
好多女人都以為身材愈瘦，愈得男人鍾意，於是稍為有啲肉地就走去節食、啪藥、抽脂，但其實對於男人嚟講，身邊嗰個女伴最好生得豐滿婀娜，既好攬又好砌，而且望落去總比瘦到得番一棚骨健康啲。今日介紹嘅寫真女優穗果，就係一位洋溢健康美嘅可人兒！
現年24歲嘅穗果，樣子甜美，燦爛嘅笑容好似太陽咁溫暖，令人感到身心舒泰，即使喺美女如雲嘅日本寫真界，佢嗰種治愈能量都可以話係無出其右！配埋一副纖巧、結實而充滿曲線美嘅極品胴體，真係好有陽光氣息。
踏足藝能界之前，穗果係一位啤酒妹，喺橫濱運動場館賣啤酒，因為生得太靚女，備受好多球迷留意，人氣愈嚟愈高，冇幾耐就被藝能事務所睇中，正式成為模特兒。之後，穗果頻頻喺選美比賽中獲得佳績，包括喺一個叫Gravure2016嘅比賽中贏得冠軍，又喺上年舉辦嘅Best Body Japan 2019奪得季軍，知名度亦與日俱增。
講番穗果嘅身材之所以咁弗，原來同熱愛運動有關。阿妹好鍾意嘗試唔同種類嘅運動，諸如攀石、水上電單車等等，全部都難唔倒佢，早排仲有運動資訊媒體搵佢合作，叫佢為觀眾介紹各種運動，仲要上山下海添，每次都玩到成身大汗，真係好鬼Sexy！
好動嘅穗果經常參與各種運動，每次都玩到香汗淋漓。想知道近排阿妹有咩新挑戰，就要多啲留意佢嘅社交網。
網址：https://twitter.com/s2jh3
年齡：24歲
身高：5呎3吋
三圍：32-23-33
撰文：賢