魚與熊掌呢類兩難問題，一直困擾住唔少人，而對呢位女網民嚟講，更加係嚴重影響佢嘅生活，究竟發生乜嘢事呢？佢話：「同居之前，我同男友會去酒店爆房，做完就走，從未試過過夜。而早排同居後，我就發現男友有個問題，唔係話佢勃唔起，而係發現佢每次完事後，瞓覺嗰陣都會發出勁大嘅鼻鼾聲，就算閂埋睡房門出廳瞓都會聽到。雖然佢平時都有鼻鼾聲，但係就冇咁誇張。我上網睇過相關資料，話可能運動得太激烈，因此令鼻鼾變得更響。如果係咁嘅話，我只能係瞓覺同交歡兩者揀一樣？」
貓公：唓！有幾大問題呢？做完後咪唔同佢瞓，當然唔係你出廳瞓，而係佢出去瞓啦！其實唔少夫妻都分房瞓，呢個問題唔難解決。
常蛇：其實我想知道你哋做得有幾咁激烈呀？激烈到每次做完後，佢都會有雷咁響嘅鼻鼾聲？如果咁激烈嘅話，會唔會畀隔籬屋投訴呢？
Hotwife：戴耳塞可以幫到你！我老公都係鼻鼾聲勁響，而我屋企淺窄，冇得分房瞓，於是我就買咗對耳塞，問題即刻解決晒，仲可以大條道理半夜唔接公司電話添！
芝麻：老套都要講句：「請教醫生啦！」不過話說回來，完事後會扯鼻鼾，睇怕真係同你哋嘅激烈肉體碰撞有關喎！