睇過花生騷都會察覺到，絕大部分女Model都係身材高挑，當然，各花入各眼，係咪全部都屬於靚女級別，見仁見智。今日介紹嘅韓國超人氣模特兒李圭利，唔止生得高，仲擁有完美嘅身材曲線，加上樣貌出眾，用「女神級模特兒」嚟形容都唔誇張。
喺世宗大學完成電影藝術學士學位嘅圭利，自細已夢想加入演藝界，所以讀書嗰陣已從事兼職模特兒工作，希望可以擴闊一下視野，為未來喺演藝界工作而鋪路。由於阿妹嘅外形標青，好快喺模特兒界打響名堂，更加喺首爾舉辦嘅國際車展中亮相。大學畢業後，阿妹正式以模特兒為事業，而隨住人氣愈嚟愈高，佢不但做埋電視節目主持，仲出埋歌曲專輯添！雖然投身演藝圈係夢想，但佢覺得模特兒工作都好好玩，所以冇諗過放棄，日後仲會繼續着靚衫畀大家睇。