被日本十八禁電玩界視為經典作品之一嘅《裝甲惡鬼村正》，自2009年10月發售至今已接近11年，當中嘅角色不斷有模型推出，最新登場嘅二世村正更加係一位非常吸睛嘅巨乳美女！
喺遊戲中，二世村正有過千歲，但睇落成個美少女咁款，戰鬥力仲要係超勁嗰隻。由於呢位角色嚟自十八禁遊戲，身材冇番咁上下又點孭到飛呢？而呢款新模型不但還原角色嘅過人魅力，仲喺佢對美乳上落咗唔少心思添！首先，設計師喺佢着衫嘅造型中加入飛釘效果，令角色嘅特點更為突出，換上戰鬥版嘅內衣造型後，火辣身材就更加係表露無遺，尤其係嗰條性感底褲，簡直係養眼到爆。