最迷人嘅女性係咪一定要溫婉動人？當然唔係啦，好似韓國人氣模特兒徐妍書，一時化身柔情似水嘅索女，一時又變成陽剛味重嘅硬朗女郎，兩種形象都能輕鬆駕馭，呢啲咪叫做有可塑性囉！
呢位索女喺2012年因為去睇賽車比賽而被模特兒事務所睇中，經過一年多時間嘅考慮，終於決定成為職業模特兒，佢嘅表現仲好快得到認同，畢竟天賦身材有前有後，展現出迷人嘅曲線，就算好少以性感造型示人，只要稍為露下長腿同事業線，已經夠晒搶鏡。後來，阿妹做埋賽車女郎，魅力更加係廣為人知，加上佢嘅形象多變，斯文又得，冷艷亦掂，所以經常畀到大家一種新鮮感。近年佢做埋攝影師，拍出唔少令男士心動嘅寫真相片，但好多粉絲都話，最期待睇佢作性感演出，希望佢會順應民意啦！