本地漫畫似乎愈來愈少人睇，但係日本漫畫就依然有好多捧場客，原因係作品不斷推陳出新，經典作品亦歷久常新，同時日本漫畫界好識得利用性感美女做宣傳，好似最近就搵來被稱為「最強顏面」嘅十味幫手喇！
現代人嘅生活同數字有密不可分嘅關係，例如要記得自己嘅身份證號碼，亦會成日留意住銀行嘅存款數字仲有幾多，欣賞寫真妹亦同數字拉上關係，所指嘅唔係三圍數字，而係佢哋個名都有數字出現，例如三吉真理子、四宮由貴、五木晶等等，數到十的話，就當然係十味啦！
今年21歲嘅十味，被稱為「最強顏面」，意思即係話論美貌，被列為當代寫真女優最靚嘅一位，可謂無出其右。另外，佢亦有「純度120%」之稱，原因係阿妹嘅純真氣息極為強烈。可能講得有少少誇張，不過十味的確係靚到令人留下深刻印象，而且仲好有激凸感覺，皆因佢體態嬌小，上圍卻擁有一對分量十足嘅D Cup美巨乳，非常吸睛！
就讀高中嘅時候，佢喺日本一個知名視頻平台上載自己嘅跳舞片段，原本只係為咗興趣，點知無心插柳，其可愛魅力以及青春活力，好快就被藝能事務所睇中，從此踏上演藝之路。早前有本地網上雜誌為十味寫咗篇報道，更封佢為「平成最後的奇迹原石」及「日本超可愛少女」，而呢個報道傳番去日本，結果成為一時熱話。
最近十味炮製出另一個話題，而且仲同「賣肉」有關，原因係有日本雜誌連載經典漫畫《筋肉人》嘅全新故事，為咗增加話題性，搵嚟十味扮成漫畫中嘅迷你筋肉人亞歷山大‧米特拍攝寫真，可愛得嚟又性感誘人，成功吸引唔少漫畫迷同粉絲支持。
從十味嘅社交網中，可以睇到好多同佢工作及生活相關嘅消息，想知道阿妹最近拍咗咩寫真，又或者去咗邊度玩，就要Click入去留意一下。
網址：https://twitter.com/toomi_nico
年齡：21歲
身高：4呎11吋
三圍：34D-23-33
撰文：賢