小鳥依人變進擊巨人

玩樂辭典：Baby Bird Sex 多人運動

性愛玩意有好多，其中就有呢個限定三人或以上玩樂嘅「Baby Bird Sex」。玩法係兩位男伴或女伴先瞓低或跪喺度，然後擘大個口等待對方進一步嘅行動，正因為佢哋擘大個口嘅動作，好似雛鳥等待被餵哺一樣，因而得到呢個名稱。

講開性愛玩意，仲有一種「Bird Washing」，大家咪以為有個「Bird」字就以為佢解做女士為男伴吹奏一曲，其實係相反，男士為女伴表演吹口琴至真。

情色俚語：Bird's Eggs 心領神會

英文情色俚語有時都幾傳神，好似指男士兩顆蛋蛋嘅「Bird's Eggs」咁，不論大細同形狀，都令人有心領神會嘅感覺。不過，有一點要提提大家，喺美國嘅情色俚語中，「Bird」係指男士兵器嘅意思，但原來喺英國卻係指女性，因此大家千祈咪搞錯！

另外，仲有「Bird Dog」呢個美國情色俚語，從字面睇真係唔明佢係乜嘢意思，原來係指撬牆腳嘅人，真係估佢唔到囉！

美國四仔系列：《Ben Dover's Motor Birds》 戰鬥力強

古董車同性愛有乜嘢關係？據四仔名導Ben Dover表示，兩樣都係男人嘅最愛！正因為咁嘅緣故，2009年4月佢就執導呢套以古董車加狂野床戰為主題嘅作品《Ben Dover's Motor Birds》，並搵嚟Vanessa Hill、Claudia Rossi、Alicia Rhodes、Melissa Black等火辣脫星演出。為咗展現呢班脫星嘅戰鬥力，片中有唔少三人混戰、多人群戰等場面，畀佢哋盡情發揮，難怪出名狂野嘅Claudia Rossi話好享受呢次嘅演出啦！

日本AV系列：飛鳥鈴 偶像級女優

喺日本AV界有一位女優嘅名字有個「鳥」字，佢就係偶像級女優飛鳥鈴。1997年1月8日於京都出生嘅佢，身高僅得5呎，卻擁有一對34E白滑巨乳，2016年3月參加AV廠SOD偶像培育計劃，首位以專屬偶像身份出道，推出咗幾張寫真DVD後，同年9月正式以SOD專屬女優拍AV，憑住靚樣同火辣身材而深得AV迷歡迎。2018年11月轉為自由身女優發展，唔少AV迷話佢離巢後演出更好，好似2019年1月為Fitch演出嘅《5日間的調教記錄》，全程夠主動，床戰表現更係狂野，唔少男優都大讚話感覺超爽，可惜呢位搶韁女優喺今年3月已宣布引退。

撰文：魂