做人只要有決心不向命運低頭，身體上即使有缺陷亦唔會構成阻礙，好似「樂聖」貝多芬咁，雖然雙耳失聰，一樣可以成為偉大嘅音樂家。而寫真女優我妻由利香同樣都有聽覺障礙，不過亦冇影響佢嘅奮鬥之心！
所謂人無完人，金無赤足，每個人都有自己嘅優點同缺點，而喺日本寫真界中，雖然有好多秀色可餐嘅美女，但係唔少女優其實都有身體缺陷，好似「仮面女子」前成員上矢惠里奈，就有俗稱「射喱眼」嘅斜視問題，一度要休息接受手術治療。至於今日同大家見面嘅我妻由利香就患有感覺神經性聽力損失。
今年20歲嘅由利香擁有一副親切感十足，而且充滿純真氣息嘅童顏，實在係人見人愛，車見車載！而令男人流晒口水嘅仲有一對豐滿F奶，加上肌膚鮮嫩白滑，剔透無瑕，更加誘人，即使身材屬於微胖型，吸睛指數亦相當高！
由利香喺上年加入藝能界，發展路線先以拍攝寫真為主，今年2月推出首隻寫真DVD《VenusFilm Vol 1.8》，由於銷情理想，8月再推出新一輯寫真DVD。至於令人氣上升嘅原因，除咗身材激凸外，亦因為笑容夠天真無邪，故被封為「最強笑顏」，大家可以喺佢嘅作品充分感受呢份魅力。
而欣賞之時，相信唔少人都會發覺由利香經常會用手輕輕觸碰左耳，喺寫真照仲會見到佢戴住個「耳機」添！原因係佢患有感覺神經性聽力損失，左耳唔係咁靈敏，不過香妹完全唔覺得呢個聽力問題係障礙，更加唔介意畀大家睇到自己戴住助聽器，可以睇得出佢個性夠勇敢堅毅，希望佢未來可以勇往直前，將自己嘅奮鬥精神感染一下大家啦！
我妻由利香會將自己嘅生活點滴喺社交網同大家分享，亦會上載唔少性感自拍照，想多啲了解香妹嘅話，就要Click入去睇睇喇！
網址：https://twitter.com/yurikatsupa
年齡：20歲
身高：5呎3吋
三圍：35F-24-35
撰文：賢