男人總係覺得兵器大先可以冧到女，同樣地，女人多數以為胸部大先可以冧到仔，但事實又係咪咁樣呢？日本有巨乳寫真女優拍片，講述一對巨乳點樣為生活帶嚟煩惱，而喺英國有項調查發現，女士對於男伴嘅兵器長度有着唔同嘅偏好，短至1吋一樣有人Like，係咪將以往嘅迷思打破晒呢！
巨乳巨成點先會影響日常生活？問吓去年4月開始經營網上視頻嘅上矢惠里奈（上矢えり奈）就知。事關呢位擁有一雙G奶嘅寫真女優，早前拍片講述巨乳如何為生活造成煩惱，例如經常被同性揩油，話好羨慕佢有一對巨乳；搭電車時，經常被言語騷擾，同埋被一啲勁鹹濕嘅目光包圍；而令佢最尷尬嘅，就係每次跑步時，總會成為眾人焦點，甚至被人取笑……雖然阿妹話一雙巨乳令佢煩惱多過開心，但實情係呢位90後萌味女優喺寫真界撈得好掂，似乎係利多過弊喎，你又點睇？
YouTuber設立目標吸引粉絲支持，跟住找數時再爆View數，高招呀！最近有位巨乳寫真女優因為目標達成，早前被經理人帶咗去跳笨豬跳，佢就係擁有34F巨乳嘅林夢（林ゆめ）。喺舊年12月先開設視頻嘅林夢，希望能夠一年內達成5萬訂閱人數嘅目標，當時經理人就問，如果目標達成會點樣報答粉絲，佢即刻話會挑戰笨豬跳，結果頻道開設8個月後，訂閱人數已突破5萬，於是經理人就為佢安排一個神秘之行，幪眼加掩耳，帶咗佢去玩笨豬跳，只可惜阿妹喺玩嗰陣着得有啲密實，真喺嘥料！
男士對兵器長度嘅執着，確係百年如一日，因此英國約會網站Big One Dating搞咗個調查，睇吓喺當地女士嘅心目中，兵器要幾長先最理想。調查訪問咗4,761名女士，要佢哋喺1吋至11吋嘅勃起長度中，揀選3個心水長度，結果發現有44%受訪者覺得有8吋長就可以喺性愛中獲得最佳滿意度，其次係9吋（佔42%）同7吋（佔38%）。若然硬直狀態下都冇7吋，點算？唔緊要o架！因為從6吋倒數到3吋嘅滿意度，分別係34%、31%、30%同26%，即使長度僅得1吋，仍然有13%嘅受訪者覺得滿意。換言之，每10個女士中就會有一位接受到你1吋嘅長度，係咪開心番呢？
撰文：魂