女神要搶鏡，有好多方法可以用，尤其係本身擁有一雙長腿就更好辦，即使上半身着到密密實實，只要下半身着得貼身一啲，同樣可以令人睇到眼甘甘！
正如今日介紹嘅韓國人氣模特兒崔侑廷，之所以多年嚟成為車展及賽車場上嘅人氣焦點，全憑一對靚腿。據聞，18歲已經出道嘅佢，係朋友介紹下入行，初時由兼職模特兒做起，客串晒吓腿，估唔到引起模特兒事務所嘅留意，經過一番洽談後，正式加入模特兒界，頻頻喺多個大型車展中亮相，而嗰對修長美腿真係去到邊都咁吸睛。後來，阿妹為雜誌影咗輯泳裝寫真後，佢嗰副玲瓏浮凸嘅身材亦開始受人注視。雖然係咁，但佢好少作性感演出，反而一對美腿任露唔嬲，可謂完美演繹咩叫收放自如。