男人鍾意女仔自然唔造作，而近期人氣高企嘅頂級寫真妹奧山和紗，就將自己嘅日常生活以及自然流露嘅性感一面帶畀大家喇！今年26歲嘅和紗，身材纖巧而凹凸有致，被封為「日本一美Body」及「完璧女神」，樣子清秀綺麗兼帶傾國傾城之美，而佢投身寫真界之前已相當有人氣，因為佢本身係一位演員，自從喺特攝劇集《快盜戰隊魯邦連者Vs警察戰隊巡邏連者》中扮演粉紅戰士明神司紗角色後，人氣爆升！呢本《AIKAGI》就係佢最新推出嘅寫真集，主題係「自然美×女神」，所以演出時以唔造作，展露日常生活嘅一面為主題，例如喺屋企睇書、歎吓茶，之後就會將身上嘅衣服逐件脫去，露出性感鮮艷嘅內衣及誘人婀娜嘅胴體，散發出自然魅力！另外，和紗亦表情多多，令大家感受到佢多變又趣怪嘅一面。