受疫情影響，好多打工仔同老闆都面對困境，不過天無絕人之路，人生在世總會遇挫折或低潮，只要咬緊牙關，一定會捱得過去！好似今日同大家見面嘅由良朱合，就以積極心態面對逆境，仲以青春肉體為大家打氣添！
今次疫情令好多打工仔頓失生計，搞到成為失業大軍。但係香港人不嬲都慣於面對逆境，有咩難關過唔到先？而現實啲講，失業啫，咪搵過第二份工囉！好似由良朱合咁，近期亦轉咗工，甚至可以話係辭咗份工，家陣主要工作就由以前登台載歌載舞，變成為大家提供眼福喇！
今年21歲嘅由良朱合面珠仔圓圓，眼神精靈，笑起上來瞇瞇眼，甜美感覺實在強烈得交關，見到佢嘅笑容，簡直好似成個人都畀佢融化咁！不過，阿妹甜得嚟亦帶點辣度，雖然身形屬於微胖，但肌膚鮮嫩白滑，同時亦有前有後，感覺有少少似前AKB48成員平嶋夏海同永尾瑪莉亞，甚討人歡喜。
提到AKB48呢隊人氣美少女團體，其實同由良朱合有莫大關係。2018年佢投考AKB48，成功通過面試之後，被分配到分支團體STU48，而呢個團體以瀨戶內沿海7縣為根據地，所以成員多數都係嚟自呢7個縣，而朱合就係喺其中嘅廣島縣出生。佢喺STU48屬於人氣成員，亦因為咁，上年年中畢業就惹起好多人熱議，亦有好多人揣測當中原因，有人就估計佢無端端脫離團體，有機會係因為畀人發現拍拖，違反團體守則，所以被迫離隊。不過大部分人都認為係佢同其他成員曾經發生糾紛，否則就唔會喺同一時期連同朱合在內有成四個成員一齊走。不過朱合畢業嘅原因最後都冇公開，而性格積極嘅佢表示將會展開第二人生重新出發，而第一步就係進軍寫真界發展，利用自己嘅青春肉體打響名堂，同時亦希望藉此喺疫情中為大家打氣，一齊努力捱過去，相信明天會更好！
由良朱合除咗會喺社交網上載最新拍攝嘅性感寫真外，亦會分享自己嘅生活點滴，想知佢近期去咗邊度飲飲食食同睇靚相，就要多啲留意喇！
網址：https://twitter.com/yura0312akari
年齡：21歲
身高：5呎1吋
三圍：33E-24-34
撰文：賢